Булган аймгийн хэмжээнд нийт хээлтэгч малын 78,0 хувь нь буюу 573741 хээлтэгч төллөсөн байна. Нийт төллөсөн малаас Ингэ 35, гүү 18887, үнээ 20783 эм хонь 322242, эм ямаа 211794 тус тус төллөсөн байна.

Булганхангай нутгийн малчид “Барагдашгүй” гал нохой жилийн өвөлд тарган тавтай өнтэй сайхан өвөлжиж байна Аймгийн хэмжээгээр 9250 гарай өрх гэр, хот айлд нийт мал сүргээ өвөлжүүлж байгаа тус аймгийн малчид 6090 орчим хашаа байртай ажээ. Түүнээс өнгөрсөн онд 77-г нь шинээр барьж, 159-г нь сэргээн засварласан бөгөөд 280 гаруй нь дулаан байр, 4687 нь саравчтай, 1120 нь саравчгүй юм байна.. Эдгээр хашаа нь нийт 3,5 сая мал багтаажмтай, 2171 нь бод малын хашаа ажээ.

Тус аймгийн Засаг дарга, тамгын газраас ажилгүйдэл, ядуурлыг бууруулах талаар ихээхэн анхаарал тавж зарим үр дүнд хүрч байна. Тухайлбал, өнгөрсөн онд 1455 хүн хөдөлмөр халамжийн үйлчилгээний хэлтэст бүртгүүлжээ. Энэ нь өмнөх оныхоос 92 хүнээр буюу 5,9 хувь буурлаа. Бүртгэгдсэн хүмүүсээс 150 гаруй нь шинээр ажилд орлоо. Ажил хайж буй хүмүүсийн 49,8 хувь нь эмэгтэйчүүд, 52,1 хувь758 нь 16-34 насны залуучууд байна.

Тус аймгийн хэмжээнд энэ он гарсаар 23 гэмт хэрэг бүртгэгджээ. Энэ нь урьд оны мөн үеийнхээс 4 хэргээр буюу 21 хувь өссөн байна. Иргэд, байгууллага, аж ахуйн нэгжид гэмт хэргийн улмаас15,3 сая гаруй төгрөгийн хохирол учирч түүний 43,8 хувь буюу 6,7 сая төгрөгийг мөрдөн байцаалтын шатанд нөхөн төлүүллээ. Согтуугаар буюу бүлгээр үйлдсэн хэрэг гараагүй, гэмт хэргийн улмаас нас барсан хүн байхгүй.

Тус аймаг одоогоос 7 жилийн өмнө буюу УИХ-ын Ч.Раднааг аймгийн Засаг даргаар ажиллаж байсан 1999 онд 1 сая 619,2 мянган мал тоолуулсан нь түүхэндээ хамгийн олон малтай болсон жил байсан юм. Тэгвэл өнгөрсөн онд 1 сая 752,4 мянга гаруй мал тоолуулж аймгийн 70 жилийн ойн босгон дээр түүхийн шинэ хуудас нээлээ.

Тус аймгийн хөдөөгийн 2754 айл өрх цахилгаан үүсгүүр хэрэглэдэг боллоо. Энэ нь урьд оныхоос 16,8 хувь нэмэгджээ. Ийнхүү гэрэл цахилгаантай болсны дүнд хөдөөд нэвтэрч байгаа үйлчилгэний нэг нь телевизийн нэвтрүүлэг юм. Статистикийн мэдээгээр малчин өрхийн 37,3 хувь буюу 2875 нь телевизийн нэвтрүүлэг хүлээн авч үздэг боллоо.