ЕРЄНХИЙЛЄГЧ Н.БАГАБАНДИ НЇБ-ЫН ТЄВД ЗОЧИЛЛОО

    БНАвсУ-д албан ёсны айлчлал хийж байгаа Монгол Улсын Ерєнхийлєгч Н. Багабанди 7 дугаар сарын 4-ий їдээс ємнє НЇБ-ын Вена дахь тєвд зочилж, тус Тєвийн Ерєнхий захирал ноён А.Коста болон олон улсын бусад байгууллагын удирдах хїмїїстэй уулзан харилцаа, хамтын ажиллагааны асуудлаар ярилцаж, санал солилцов.

  
    Уулзалтын їеэр Ерєнхийлєгч Н. Багабанди Монгол Улс, НЇБ-ын 40 гаруй жилийн хамтын ажиллагаа нь манай улсын їндэсний зарим їйлдвэрлэлийн суурийг тавих, боловсрол, эрїїл мэндийн салбарыг хєгжїїлэх, ядуурлыг бууруулах, байгаль орчныг хамгаалах, засаглалын чадавхийг сайжруулах, хїний аюулгїй байдлыг хангах, мэдээллийн технологи хєгжїїлэх зэрэг зорилтуудыг хэрэгжїїлэхэд їнэтэй хувь нэмэр оруулж ирснийг онцлон тэмдэглэв.  

    Мєн дэлхийн улс орнууд, нэн ялангуяа, жижиг, эмзэг эдийн засагтай орнууд даяаршлын їр шимээс жигд хїртэх бололцоог буй болгох, нийгэм, эдийн засгийн хєгжлийг нь урагшлуулах, байр суурийг нь бэхжїїлэхэд НЇБ-ын їїрэг роль улам єндєржсєєр байна. Монгол Улс дэлхий нийтийн тулгамдсан асуудлуудыг хамтран шийдвэрлэх, ард тїмнийхээ аж байдлыг дээшлїїлэх, улс орныхоо тогтвортой хєгжлийг ханган эрчимжїїлэх чиглэлээр НЇБ, тїїний системийн байгууллагуудтай цаашид ч идэвхитэй хамтран ажиллаж НЇБ-ын чухал шийдвэрїїд, тїїн дотроо Мянганы тунхаглалын їзэл санаа, зорилтыг улс їндэснийхээ тївшинд хэрэгжїїлэх талаар чармайн ажиллах болно гэв.  

    НЇБ-ын Вена дахь Тєвийн захирал А. Коста Монгол Улс ардчилал, зах зээлд шилжих явцад тохиолдсон бэрхшээл, хїндрэлийг даван туулж улс орноо хєгжїїлэх, дэлхий нийтийн тулгамдсан асуудлуудыг шийдвэрлэхэд идэвхитэй оролцож ирсэн учир бид Монгол Улсад итгэдэг гэж хэлэв.  

    Дараа нь НЇБ-ын Їйлдвэрийн хєгжлийн байгууллага Олон Улсын атомын эрчим хїчний агентлаг, Цємийн туршилтыг бїрэн хориглох гэрээний байгууллагын удирдах хїмїїс єєр єєрсдийн байгууллагын чиглэлээр Монголтой хамтран ажиллах асуудлуудын талаар Монгол Улсын Ерєнхийлєгчил танилцуулав. Тухайлбал 2001 оны 12 дугаар сард байгуулсан Санамж бичгийн дагуу їйлдвэрлэлийг тогтвортой хєгжїїлэх, зарим дэд салбарын єрсєлдєх чадавхийг нэмэгдїїлэх чиглэлээр судалгаа, тєсєл хийгдэж байгаа, 2025 он хїртэл Монгол Улсын эрчим хїчний хєгжлийн тєлєв болон атомын эрчим хїч ашиглах боломжийн талаар судалгааны баг явуулах зэрэг ажил, арга хэмжээг дэмжиж буйгаа Ерєнхийлєгч Н. Багабанди илэрхийлэв. Eрєнхийлєгч НЇБ-ын Тєвд уран зураг дурсгаж, хїндэт зочны дэвтэрт гарын їсэг зурав.  

    Уулзалтын їеэр Монгол Улсын Гадаад хэргийн сайд Л. Эрдэнэчулуун, НЇБ-ын Вена дахь Тєвийн Ерєнхий захирал А. Коста нар Монгол Улсын Засгийн газар Мансууруулах бодис, гэмт хэргийн асуудал эрхэлсэн НЇБ-ын албаны хооронд хамтын ажиллагааны хїрээг тодорхойлсон харилцан ойлголцолын санамж бичигт гарын їсэг зурав.  

    Монгол Улсын Ерєнхийлєгч энэ барим бичгийн їндсэн дээр хоёр талын хамтын ажиллагаа идэвхжинэ гэдэгт итгэж буйгаа илэрхийлэв.  
 
МОНГОЛ АВСТРИЙН НАЙРАМДЛЫН НИЙГЭМЛЭГИЙН АРГА
ХЭМЖЭЭНД ОРОЛЦОВ

    БНАвсУ-д албан ёсны айлчлал хийж байгаа Монгол Улсын Ерєнхийлєгч Н. Багабанди 7 дугаар сарын 4-ий єдрийн їдээс ємнє Монгол-Австрийн нийгэмлэгээс зохион байгуулсан сурталчилгаа, мэдээллийн арга хэмжээнд оролцлоо. Энэ їеэр тус нийгэмлэгийн тэргїїн, УИХ-ын гишїїн Б. Эрдэнэбат Ерєнхийлєгчийг мэндчилж їг хэллээ. Австри оронд аж тєрдєг монголчууд урлагийн тоглолт їзїїлж, Австрийн засгийн газрын шугамаар хэрэгжїїлж буй ойжуулах тєслийн талаар танилцууллаа. Мєн тус хоёр улсын найрамдалт харилцаа, хамтын ажиллагаанд оруулсан хувь нэмрийг нь їнэлж Австри Улсын зарим иргэдийн тус нийгэмлэгээс шагналаа.  

ГАДААД ХЭРГИЙН САЙД НАР УУЛЗАВ 

    Австри Улсад албан ёсоор айлчилж буй Монгол Улсын Ерєнхийлєгчийг дагалдан яваа Гадаад хэргийн сайд Л.Эрдэнэчулуун Австрийн Гадаад хэргийн сайд хатагтай Б.Ферреро-Валднертай уулзаж хоёр болон олон талт харилцааны зарим асуудлаар санал солилцов.  

    Найрсаг уур амьсгалд болж єнгєрсєн энэхїї уулзалтын явцад олон улсын харилцааны харилцан сонирхсон асуудлууд , тїїний дотор Зїїн Хойт Ази, Солонгосын хойг, Ойрхи Дорнодын байдлын талаар болон жижиг орнуудын аюулгїй байдал, далайд гарцгїй улсуудын хамтын ажиллагааны талаар санал солилцсоноос гадна монгол, австрийн хамтын ажиллагааны явцад хэрэгжиж байгаа буюу тєлєвлєгдєж буй тодорхой алхам, арга хэмжээний талаар дэлгэрэнгїй ярилцав.  

    Хєгжлийн хамтын ажиллагааны хїрээнд хоёр талын сонирхол, боломжид нийцсэн тодорхой, томоохон тєслїїд боловсруулан хэрэгжїїлэхээр тохиролцов. Соёл, боловсрол, шинжлэх ухааны салбарт уламжлалт харилцаагаа тууштай їргэлжлїїлж улмаар "Евроази- Номхон далайн боловсролын сїлжээ" тєсєлд Монгол Улсыг хамруулах боломжийг хайж байгаагаа хатагтай сайд мэдэгдэв.  

    Хоёр тал НЇБ-ын хїрээнд хамтын ажиллагаагаа идэвхжїїлэн бататгахын чухлыг онцлон дурдав. Олон улсын энхийг сахиулах їйл ажиллагаанд Монгол Улс оролцоход боломжийн хэрээр дэмжлэг їзїїлэхээ австрийн Гадаад хэргийн сайд илэрхийлэв.  Хоёр орны хамтын ажиллагааны эрх зїйн їндсийг цаашид бататгах, ялангуяа Агаарын харилцааны хэлэлцээрийг эцэслэн тохиролцох асуудлыг австрийн тал хєндєж ярив.

    Харилцан сонирхсон асуудлуудаар Гадаад хэргийн яамдын хооронд зєвлєлдєх уулзалт хийж байх саналыг сайд Л.Эрдэнэчулуун дэвшїїлснийг австрийн тал дэмжиж байгаагаа илэрхийлэв. Австрийн Гадаад хэргийн сайдыг Монголд айлчлуулах урилгаа сайд Л.Эрдэнэчулуун дахин нотлов.

  
ХОЛБООНЫ ДЭД КАНЦЛЕР Х.ХАУПТ МОНГОЛ УЛСЫН ЕРЄНХИЙЛЄГЧИЙГ ХЇНДЭТГЭН ЗООГ БАРИВ 

    Бїгд Найрамдах Австри Улсын Холбооны Засгийн газрын Дэд канцлер бєгєєд Холбооны нийгмийн хамгаалал, хїн ам, хэрэглэгчдийн эрх ашгийн сайд Х.Хаупт тус улсад албан ёсны айлчлал хийж буй Монгол Улсын Ерєнхийлєгч Н.Багабандийг хїндэтгэн 7 дугаар сарын 4-ны єдєр Вена хотын Шварценбергийн ордонд їдийн зоог барив.  

    Зоогонд Австрийн Холбооны Засгийн газрын эвсэлд орж буй Австрийн эрх чєлєєний намын удирдах зїтгэлтнїїд, парламент болон зарим яамдын удирдлага, австрийн томоохон компаниудын тєлєєлєгчид уригдан оролцов.  

    Монгол, Австрийн хоорондын хамтын ажиллагааг єргєжїїлэх чиглэлээр Монгол Улсын Ерєнхийлєгчийн айлчлалын їеэр яригдсан зїйлийг хэрэгжїїлэхэд дэмжлэг їзїїлэхэд бэлэн байгаагаа Холбооны Дэд канцлер Х.Хаупт мэдэгдэж тогтвортой хєгжлийг хангах чиглэлээр Австри Улсаас бусад орнуудад хэрэгжїїлсэн тєслїїдийн туршлагад їндэслэн Монгол Улстай эрчимжсэн газар тариалан, аялал жуулчлал, ялангуяа євлийн аялал жуулчлалыг хєгжїїлэх, байгаль орчны салбарт хамтран ажиллах боломжийн талаар санал солилцов.  
Хоёр талын боловсрол, соёлын хамтын ажиллагааг идэвхжїїлэх тухай Монгол Улсын Ерєнхийлєгчийн тавьсан саналыг Холбооны Дэд канцлер Х.Хаупт дэмжиж байгаагаа илэрхийлж энэ талаар Холбооны Засгийн газрын хэмжээнд холбогдох арга хэмжээ авахаа мэдэгдэв.  

    Вена хотод Монгол Улсын ЭСЯ-ыг нээсэн нь хоёр талын харилцаа, хамтын ажиллагааг идэвхтэй хєтлєн явуулахад чухал ач холбогдолтой болсныг хоёр тал санал нэгтэй тэмдэглэв.  

ЗАЛЬЦБУРГ ХОТОД ХЇРЭЛЦЭН ИРЭВ

    БНАУ-д албан ёсны айлчлал хийж байгаа Монгол Улсын Ерєнхийлєгч Н. Багабанди 7 дугаар сарын 4-ий їдээс хойш Зальцбург хотноо хїрэлцэн ирлээ. Австри Улсын аялал жуулчлалын томоохон тєвийн нэг тус муж улсын дэд тэргїїн ноён Вольфганг Айсл Монгол Улсын Ерєнхийлєгчийн хїндэтгэн оройн зоог барилаа.